 |
| يوم 11 فبراير |
فى يوم 11 فبراير 2011 وقبل ما أنزل لميدان التحرير بصيت فى النتيجه اللى عندنا لقيت مكتوب فيها ( من كثر ظلمه وأعتداؤه قرب هلاكه وفناؤه ) حسيت إن اليوم ده فى حاجه هتحصل وفى مفاجئه فى اليوم ده والناس واقفه واحد يطلع يقول إن مبارك تنحى والناس تفرح وتكبر ويجى ناس تانيه تقول الكلام ده مش صح حسيت إن الكلام ده هيتحقق و اليوم عمال يتحرك و نصلى الظهر والعصر بده لسه مفيش حاجه الناس بدأت تييأس أن فى حاجه هتحصل فى اليوم ده لكن فى صلاة المغرب بنصلى فى مسجد خارج الميدان وسمعنا تكبير عالى جدا جدا جدا والناس بتقول إن عمر سليمان قال خطاب التنحى ده و أحنا فى الركعه الثانيه من صلاة المغرب وطلع الكلام ده صح مبارك ساب منصبه لكن هيجي اليوم اللى اتنحى فيه الطاغيه و يبقى اسقطنا فساد وظلم ...
نيجى احنا فى اليوم اللى ربنا نصرنا فيه على الظلم والفساد نعمل أحنا عصيان مدنى نعطل فيه أعمالنا كلها ونوقف حال البلد الى عايزينها تقوم وتتصلح وتتقدم ؟؟؟؟؟؟
مينفعش لكن لو أحنا عايزين نحتفل في اليوم ده كلنا ننزل نشتغل أكتر من الأول ونزود طاقتنا ومجهودنا للبلد اللى هنبنيها من جديد بعد 30 عام من الفساد العارم فى البلاد ...
ليست هناك تعليقات:
إرسال تعليق